Հայաստանի նախագահ Սերժ Սարգսյանը՝ փետրվարի 12-ին ընդունել է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Նիկոլայ Բորդյուժային:

Հայաստանի նախագահի մամուլի գրասենյակից NEWS.am-ին հայտնում են, որ քննարկվել են ՀԱՊԿ շրջանակում համագործակցությանն առնչվող հարցեր:

Կողմերը գոհունակություն են հայտնել 2009թ. Կազմակերպության ընդունած եւ իրագործած առանցքային որոշումների, մասնավորապես, ՀԱՊԿ անդամ երկրների կողմից արագ արձագանքման համատեղ ուժերի ստեղծման համաձայնագրի ստորագրման կապակցությամբ:

Զրուցակիցները նաեւ կարեւորել են ՀԱՊԿ կառույցների ձեւավորման գործընթացում առկա աշխույժ դինամիկան 2010թ. եւս պահպանելու եւ դրանից բխող իրավապայմանագրային դաշտն ամբողջացնելու անհրաժեշտությունը: